Tíðindi

Tvey ár liðin síðan veðurlagsverkfall kring knøttin

Øll á Miðnámsskúlanum savnast ársdagin fyri veðurlagsverkfallinum og hoyra Marjuna Syderbø Kjelnæsh greiða frá ungdómsbókini, Sum rótskot á Miðnámsskúlanum í Suðuroy. Tað var svenski skúlanæmingurin Greta Thunberg, ið skipaði fyri veðurlagsverkfalli fríggjadagar heldur enn at møta í skúla og gjørdist heimskend og bleiv skjótt kend sum ímynd av stríðnum móti veðurlagsbroytingum.

Lív Næs, MA í føroyskum máli og bókmentum og undirvísari á miðnámskúlanum hevði sofaprát við rithøvundan, Marjuna Syderbø Kjelnæs. Ein lívligur blokkur áðrenn døgurða í dag, har m.a. ungdómur og umhvørvi var á skránni.

Næmingarnir á Miðnámsskúlanum hava havt verkætlanir um Heimsmálini hjá ST. Súsanna Berg, umhvørvisleiðari hjá IRF hevur eisini verið á skúlanum og greitt frá, hvørji umhvørvistiltøk IRF hevur valt í samband við Heimsmálini.

Á myndini eru nakrir av næmingunum avmyndaðir saman við Marjuni S.Kjelnæs til eitt stutt innandura veðurlagsverkfall, har demonstrerað verður við bókini sum "skeltið".