Almennar reglur á Miðnámsskúlanum:

Serstakliga undir okkara truplu hølisviðurskiftum er tað neyðugt, at øll hava ein slíkan atburð, at tað er gjørligt at skapa og varðveita tað góða lestrarumhvørvið, sum er fortreytin fyri trivnaði, virkni og læring:

• Øll møta til ásetta tíð
• Øll eru virkin
• Ongin órógvar
• Øll taka upp eftir sær
• Øll fara væl um
• Øll fylgja reglunum um at royking bert er loyvd í bókasavnshúsinum og í skúrinum vestanfyri

Upplatingartíðir:

Bókasavnið: sí uppslag

Teldurúmið: opið undir vanligari skúlagongd, um ikki undirvísing fer framm.

Lestrarvegleiðingin:
Mánadag: kl. 12.10 - 13.00
Týsdag: kl. 11.30 - 12.35
Ónsdagur: 12.35 - 13.30
Fríggjadag: kl. 12.10 - 13.00
Annars eftir avtalu!

Bústaðarboytingar:

Hesar skulu fráboðast skúlanum skjótast gjørligt.

Teldurúmið:

Teldurúm skúlans er í stovu nr. 4.

Øll skulu hava gagn og gleði av okkara teldum, fyri at tryggja hetta, eru fylgjandi reglur ásettar:

• Tað er bannað at eta og/ella drekka við telduborðini!
• Tað er bannað at leggja spøl og onnur forrit á telduna uttan loyvi frá Suni.

Upp- og afturlatingartíðir skúlans:

Skúlin er opin kl. 8.00 til 17.00

Møtiskylda:

Møtiskylda er í øllum lærugreinum. Hetta kemst av´, at við ta endaligu próvtøkuna verður ikki examinerað í øllum tí lisnað tilfarinum og tí at í teimum lærugreinum, sum ein ikki skal til endaligu próvtøku í, verður ársmetið nýtt sum próvtøkumet. Protokoll verður førd hvønn tíma. Øll frávera verður sostatt skrásett. Tá fráveran er ov stór, t.e. Omanfyri 10%, fær næmingurin munnliga ávaring. Batnar støðan ikki til næstu uppgerð fær næmingurin skrivliga ávaring. Skrivlig ávaring er sera álvarsom, tí Landsskúlafyrisitingin fær boð um støðuna og ger av, um næmingurin sleppur til próvtøku. Næmingurin kann verða burturvístur frá øllum lærugreinum, sjálvt um fráveruprosentið bert er ov høgt í eini lærugrein.
Tað er umráðandi at hava í huga, at vantandi skrivligt avrik eisini verður roknað sum frávera. Alt skrivligt avrik skal latast inn til tað av lærarunum ásettu tíð, uym freistin ikki verður hildin, verður tað endaligt skrásett sum frávera. Um øll kravd skrivlig avrik ikki eru latin inn í seinasta lagi seinasta undirvísingardag, sleppur næmingurin ikki til ársroynd/próvtøku.

Telefonir á Miðnámsskúlanum:

Skrivstovan: 373622
Fax: 374026
Leiðarin: 373622 / 221063
Lærarastovan : 374622
Lestrarvegleiðingin: 374011
Næmingar, eystur: 374151
Næmingar, vestur: 374126

Foreldrafundur:

Skipað verður fyri 2 foreldrakvøldum fyri 1. Fl.
Fyrra kvøldið verður í desember, har størsti dentur verður lagdur á, at kunna um skúlan.
Seinna kvøldið verður í januar í samband við val av vallærugreinum.

Miðnámsskúlin í Suðuroy | Grønudalur 2| FO-950 Porkeri | Tlf: 614201 | Fax: 372950 | Email: midnam[at]midnam.fo